pakala mun la Jan Sapaja ⟨Bill Safire⟩ li sitelen. Jan lawa pi ma Mewika ⟨Richard Nixon⟩ li toki. Sike suno nanpa 1969. ✧ Toki Pona tan jan Sante ⟨Xanthe Tynehorne⟩
Tan: jan Sapaja suno #18, mun #7, sike suno #1969
Pakala mun la:
Mije tu li tawa mun tawa alasa pona. Mije tu li awen lon mun tawa moli pona.
Jan Anson ⟨Neil Armstrong⟩ en jan Awin ⟨Edwin Aldrin⟩ sona e ni: ona li kama anpa ala tawa ma. Taso ona li sona e ni: moli ona li pana e pona tawa jan ale.
Mije tu li moli tawa alasa pona — alasa pi sona lon.
Kulupu ona li olin; jan pona ona li olin. Ma ona li olin; jan ale li olin. Mama ma li olin e jan lili tu ona.
Jan ale pi ma li kama wan tan alasa ona. Jan ale pi ma li awen wan tan moli ona.
Tenpo pini la, jan li lukin e jan suli lon suno sewi. Tenpo ni, jan suli mi li jo e sijelo e selo.
Tenpo kama la, jan mute li tawa sewi, li kama anpa. Alasa sona li awen. Taso mije tu li open e alasa ni — e pilin pi mi ale.
Jan li lukin e mun sewi la, ona li sona e ni: jan li jo e kipisi pi pimeja sewi, lon tenpo ale.
Tenpo pini la:
Jan lawa li toki ilo tawa meli pi mije tu.
Tenpo kama la:
Jan pi nasin sewi li kepeken e nasin sama moli telo. Ona li pana e kon pi mije tu tawa “anpa anpa”. Pini la, ona li toki e toki sewi pi nasin Kolisi.