Κατάλογος ἡμερολογικός

Γρηγοριανόν: Χριστιανικὸν μὲν ἡλιακὸν ἡμερολόγιον ῥωμαίας ἀρχῆς, νῦν δὲ κοινὸν τῆς πάσης οἰκουμένης. Ἡμέρα ἐν μέσῳ νυκτῶν ἄρχεται. Ὁ μὴν ἀλόγῳ ἡμέρᾳ ἄρχεται κἀπὸ κηʹ μέχρι λαʹ ἡμερῶν χρονίζει. Τὸ ἔτος τῇ αʹ Ἰανουαρίου ἄρχεται, μέτ’ ὀλίγας ἡμέρας τῶν τροπῶν τῶν χειμερινῶν τοῦ ἄρκτου. Δι’ ἐνιαυτοῦ τεταρτοῦ ἡμέρα ἐμβόλιμος, ἡ κθʹ Φεβρουαρίου, ἐμβάλλεται, πλὴν τῶν ἐτῶν τῶν διαιρετῶν εἰς μὲν ἑκατὸν οὐ δ’ εἰς τετρακόσια. Ἡποχὴ μέτ’ ὀλίγα ἔτη τῆς γενέσεως τοῦ Ἰησοῦ τοῦ Ναζαρηνοῦ ἐστιν· Ὀλ. ρϟδʹ.δʹ κατὰ τἈττικόν.

Ἀττικόν: Ἀρχαῖον μὲν ἀθηναῖον σεληνιακὸν ἑορταῖον ἡμερολόγιον, νῦν δ’ ἐν χρείᾳ καινοῖς Ἑλληνισταῖς. Ἡμέρα ἐν Ἡλίου δύσει ἄρχεται. Ὁ μὴν τῇ νουμηνίᾳ ἄρχεται καὶ κθʹ ἢ λʹ ἡμέρας χρονίζει. Μηνῶν δέ γε φθινόντων ἀριθμοῦνται αἱ ἡμέραι κάτω ἀπὸ τῆς ἐνάτης· σεσήμαγκα τάσδε διὰ ☾ μήνης φθινούσης. Τὸ ἔτος τῇ αʹ Ἑκατομβαιῶνος ἄρχεται, τῇ πρώτῃ νουμηνίᾳ μετὰ τὰς τροπὰς τὰς θερινὰς τοῦ ἄρκτου. Διπλασιάζεται ὁ μὴν Ποσειδεὼν ἐν τοῖς ἔτεσι τοῖς ἔχουσι τρεισκαίδεκα νουμενίας. Ἡποχὴ τὰ πρῶτα Ὀλύμπιά ἔστιν· ψοϝʹ π.Γ.Ε. κατὰ τὸ Γρηγοριανόν. Γέγραπται τὰ ἔτη ἐνταῦθα κατὰ τὸ σχῆμα «Ὀλυμπιάς.Ἔτος».

Ἑορταί: Παρέχει αὕτη στήλη ἡμερολόγιον προσηκουσῶν πανηγύρεών τινων ἑλληνικῶν καὶ ῥωμαίων. Καὶ τὰς τροπὰς κἰσημερίας κατείλοχα, τὸν δ’ οὐικκανὸν Κύκλον τοῦ Ἔτους (ἀναγνώσταις ἐκλεκτικοῖς τισί), ὀλίγας δ’ ἀθέους ἑορτὰς, καὶ δὲ χριστιανικὰς ἑορτάς τινας. (Τὰ γὰρ δύο μέρη τῶν τοῦ ἡπείρου ἐνοίκων Χριστιανοί εἰσι, καὶ τὸ οὖν ἡμερολόγιον ἑαυτῶν ῥοπὴν ἔχει τοῖς ἀθεωτάτοις γε Βρεταννοῖς καὶ Βαταούοις.) Αἱ ὑπογραμμέναι ἑορταὶ κατὰ τἈττικὸν ἡμερολόγιον ἐλογίσθησαν, ἀγόμεναι μεταξὺ μὲν τοῖν δυσέοιν, οὐ δὲ τοῖν μεσονυκτίοιν. Αἱ τῶν σὺν ἀστερίσκῳ ἑορτῶν ἀκριβεῖς ὧραι ἀγνῶτες ἡμῖν τῇ νῦν ἡμέρᾳ εἰσί· εἴσι οὖν αἱ θέσεις ἐν τῷ καταλόγῳ δοξασταί.

Πᾶσαι αὗται ὥραι τῷ βορῥᾷ τῆς Ἀγγλίας ἐλογίσθησαν. Ἄλλοθι ἂν ψεύδοιεν, μάλιστα τοῖς ἀντοίκοις κἀντιπόσι, οὗ ἀναστρέφονται τὰς τροπὰς κἰσημερίας.